40 DAE PAASSONDAG TOT HEMELVAART
VRYDAG 19 APRIL 2024
JOHANNES 21 VERS 15 – 19 “Toe hulle klaar geëet het, vra Jesus vir Simon Petrus: “Simon seun van Johannes, het jy My baie lief, meer as hulle hier?” “Ja, Here,” antwoord hy Hom, “U weet dat ek U liefhet.” Hy sê toe vir hom: “Laat my lammers wei.”
Die vraag van Jesus aan Petrus is ‘n baie belangrike en betekenisvolle oomblik in hulle verhouding of nteraksie. Dit is interessant om te sien dat Jesus nie vrae stel oor geloof, gehoorsaamheid of prestasie nie, maar spesifiek na liefde vra.
“Simon, seun van Johannes, vertrou jy my?” “Simon, seun van Johannes, sal jy vir my werk en my ywerig dien?” ‘Simon, seun van Johannes, stem jy in alles saam met die leer wat ek verkondig het?’ “Simon, seun van Johannes, is jy jammer oor die sondes wat jy gepleeg het?” ‘Simon, seun van Johannes, dink jy jy is bekwaam genoeg om ‘n…om ‘n pastoor te wees?’ Jesus vra nie dit nie. Ek sê nie dat al daardie dinge onbelangrik is nie is, maar dit kom volgens my nie by die kern van die saak uit nie. Dit is nie die dinge wat regtig vir Jesus saak maak nie. Wat vir Hom die belangrikste is, is liefde, ‘n liefdevolle hart vir Hom as Here.
De afwesigheid van ander vrae in Jesus se interaksie met Petrus benadruk aan ons dat liefde die kern is van ons verhouding met Jesus. Dit herinner ons daaraan dat Jesus meer geïnteresseerd is in die gevoel van ons harte en die aard van ons liefde vir Hom as ons Heer. Liefde oorskry die grense van geloof en prestasie en lê die fondasie vir ’n egte en betekenisvolle verhouding met Jesus.
GEBED: Here, ons dank U vir die liefde wat U aan ons betoon en die liefde wat U van ons vra. Vul ons harte met liefde vir U en ons medemens, en mag ons liefde vir U die rigtinggewende krag wees in ons verhouding met U. Help ons om die belangrikheid van hierdie liefde te verstaan en om dit uit te leef in ons alledaagse lewe. AMEN.