KONSENTRASIE EN MOTIVERING
Konsentrasie is van kardinale belang om goed te studeer. Maar hoe bly jy gefokus? Konsentrasie begin by motivering. Jy moet wil weet, wil verstaan en wil beheer.
Stel doelwitte
Dit help om duidelike doelwitte te stel wanneer jy studeer. Wat wil jy in die volgende studieblok doen? Gaan jy net lees, of gaan jy byvoorbeeld ‘n opsomming maak?
Konsentrasie verbrekers
As jy aanhou om die kennisgewings op jou selfoon of skootrekenaar te volg terwyl jy studeer, sal jou konsentrasie voortdurend versteur word. Elke keer as jy afgelei word, neem dit nog 8 minute vir jou konsentrasie om terug te kom. Skakel dus jou foon af of sit dit op vliegtuigmodus en skakel ook alle kennisgewings op jou skootrekenaar af.
Dit werk ook met musiek, veral wanneer stemme gehoor word waarna jy outomaties luister. As jy absoluut na musiek wil luister terwyl jy studeer, kiesklasieke – barokmusiek, of kies ‘n ‘slim studie’-musiek steaming. Hierdie musiek help om jou brein te ontspan, sodat jy beter kan leer.
‘n Rustige studieplek
Waar jy studeer, beïnvloed ook jou konsentrasie. Daar is baie afleidings by die huis wat jou weghou van jou studies. Vra goedgesinde opvoeders of kerk mentors om te help met ’n rustige studie omgewing.
Studeer in studie tydsblokke
Dit blyk dat jou brein beter funksioneer wanneer jy pouses neem. Tydens hierdie pouse herstel jou brein en jy kan baie meer daarna opneem. 30 of 45 minute is ‘n goeie studieblok, maar jyself weet hoe lank jou aandagspan is, onthou sommige dae is dit langer of korter dan ander dae. Maak ten volle gebruik van jou konsentrasie tydens die blok en neem dan ‘n kort pouse voordat jy aanbeweeg na die volgende blok. Maak ‘n plan vir wat jy per blok gaan doen.
Aktiewe studiehouding
Probeer om die studiemateriaal aktief te lees, vra jouself vrae en vorm ‘n mening oor die teks. Moet dus nie op ‘áutopilot’ (outomatiese vlieënier) studeer nie, maar ontwikkel ‘n (holistiese) helikopter-aansig: soek verbindings, ontleed en probeer om die kern te verstaan.