MAANDAG 3 MAART 2025 – VOLHARD SOOS JESUS
HEBREËRS 12:3 – “Want julle moet ag gee op Hom wat so ‘n teëspraak van die sondaars teen Hom verdra het, sodat julle in jul siele nie vermoeid word en verslap nie.”
Ons teks wys ons hoe Jesus standgehou het te midde van teenstand en lyding. Hy het deur alles volhard sodat ons nie moedeloos hoef te word nie. Jesus se lewe was ‘n toonbeeld van deursettingsvermoë – Hy het nie opgegee toe dit moeilik geraak het nie, maar sy oë gefokus gehou op die doel wat die Vader vir Hom gehad het. As ons na Jesus kyk, leer ons om te volhard in geloof, selfs in swaarkry.
In vandag se wêreld is dit maklik om op te gee wanneer dinge moeilik raak. Of dit nou jou geloof, jou werk, verhoudings of persoonlike doelwitte is – ware deursettingsvermoë is nodig om aan te hou, selfs wanneer jy moeg of moedeloos voel. Dikwels is die pad van ‘n Christen moeilik, want ons gaan teen die stroom van die samelewing. Daar sal versoekings en uitdagings wees, maar as ons Jesus se voorbeeld volg, weet ons dat volharding beloon word.
Wanneer ons fokus op God se beloftes en nie op ons probleme nie, kan ons vorentoe beweeg met hoop en moed. Onthou: Jesus self het swaar gekry, maar Hy het nie opgegee nie. Jy kan ook volhard, want Hy gee jou die krag.
wenke vir deursettingsvermoë:
- Hou jou doelwit voor oë – Fokus op die beloftes van God en onthou waarom jy begin het.
- Bid en vertrou op God – Moenie op jou eie krag staatmaak nie, vra God om jou deur moeilike tye te dra.
GEBED : Here, gee my die krag om te volhard soos Jesus. Help my om nie moed op te gee nie, maar om my oë op U te hou. Lei my deur elke uitdaging. AMEN