Oordenking: LENT 40 daetyd – Dag 3 “Waar is jy?”
Skrifgedeelte: “En die Here God het die mens geroep en vir hom gevra: Waar is jy?” – Genesis 3:9
Besinning: Die vraag wat God vra, is “Waar is jy?”—en natuurlik weet God presies waar Adam en Eva is. God se vraag maak vir ons duidelik dat ons nie van Hom kan wegkruip nie (Psalms 139:7-12), dat ons in sy teenwoordigheid hoort, dat Hy ons gemaak het om met Hom te wandel. Maar die skuldgevoel van ons sonde forseer ons om te probeer wegkruip. Ons probeer lieg of vlug, wil nie die konfrontasie aangaan met wat ons gedoen het nie. Die tyd van Lent, die veertig dae voor Paasfees, gee ons ‘n uitstekende geleentheid om te fokus op die “waar” van God se vraag: ons wandel met God. Die Bybel gebruik die woord “pad” vir die eerste keer in Genesis 3:24, waar dit sê dat die “pad” terug na die tuin geblokkeer is deur ‘n engel met ‘n swaard. Maar God het die wêreld so lief gehad dat Hy die weg terug na Homself, en na volle lewe weer, deur Jesus Christus voorsien het, wat gesê het: “Ek is die weg en die waarheid en die lewe.” Om met die Here te wandel beteken om deurlopend die vraag “Waar is jy?” te beantwoord en uit ons wegkruipplekke te kom—sodat ons onsself in die lig van God se genade kan sien. Dit is ‘n goeie vraag om aan die begin van elke dag hierdie LENT 40 daetyd te vra ; “Kies U eie weg met my, Here, en hou my voete op die pad wat lei tot ewige lewe.”
Gebed: Here God, lei my dat ek opreg wandel met U. Help my om uit my wegkruipplek te kom, my sondes te bely, en om u genade en lig te omhels. Amen.
Refleksievrae:
- Wanneer voel ek die neiging om myself van God te versteek?
- Hoe kan ek my verhouding met God versterk deur elke dag bewustelik te vra: “Waar is ek in my Verhouding met God?”
- Hoe kan ek elke dag bewus wees van die pad wat God vir my uitgelê het en hoe kan ek dit volg?