OORDENKINGREEKS: MEDEDEELSAAMHEID (4)
DONDERDAG 30 MEI 2024
2 KORINTIËRS 9 “Dink daaraan: wie karig saai, sal karig oes; en wie volop saai, sal volop oes. Elkeen moet gee soos hy hom in sy hart voorgeneem het, nie met teensin of uit dwang nie, want God het die blymoedige gewer lief. En God is by magte om aan julle alles in oorvloed te skenk, sodat julle in alle opsigte altyd van alles genoeg kan hê en volop kan bydra vir elke goeie werk…”
Dit mag dalk irriterend of eng wees om te deel, maar in die diepste sin van die woord maak deel jou nie arm nie. Deur tyd, goedere, geld en sorg te deel, word jy welvarender. Iemand het gesê, “Deel is om jou eie te vermenigvuldig.” Wiskundig mag dit nie sin maak nie, maar in die werklikheid van die lewe is dit waar. Paulus gebruik die beeld van saad. Wanneer jy saai, lyk dit asof jy goeie graan weggooi in die modder. Jy sou dit eerder kon hou en self eet. Maar die wat saai, word geseën met ‘n ryk oes. Hoe meer jy saai, hoe meer jy oes! So werk dit ook in die lewe. As jy durf gee – jou geld, jou tyd, jouself – sal jy meer terugkry. Jy word ryker in plaas van armer. Delen is vermenigvuldigen.
Ons kan ons lewe as Christene sien as ‘n pyp wat aan die een kant gekoppel is aan God se liefde, gawes en genade, en aan die ander kant is die afvoer – dit wat ons gee en hoe ons ons lewe oopstel. Wat ons het, kom van God. Maar dikwels is ons bang om te veel te gee, om ons lewe te oop te stel, omdat ons dink ons sal leeg raak en niks oorhê nie. Ons vergeet dat ons gekoppel is aan God se onuitputlike bron. Wanneer ons kraan toe bly, beweeg niks nie. Stilstaande water word sleg. Maar hoe meer ons gee, hoe meer ons laat uitvloei van wat God ons gee, hoe meer nuwe voer ontvang ons. Dit is soos vars stromende water. Wat ons gee, vul die Here aan uit Sy bron. Om voortdurend nuwe seëninge, krag en genade te ontvang, moet ons kraan na ander wye oop wees.
GEBED: Liewe Here, ons dank U vir die oorvloedige seëninge wat U aan ons gee. Help ons om te onthou dat ons aan U bron gekoppel is, en gee ons die moed om vrygewig te wees in ons gee. Mag ons ons tyd, hulpbronne en liefde met ander deel, in die wete dat U ons altyd sal aanvul. Lei ons om ons lewe oper te stel, sodat U genade en seëninge deur ons kan vloei. Mag ons altyd vertrou op U voorsiening en met vreugde deel om U liefde sigbaar te maak. In Jesus se Naam bid ons. AMEN.