DROOMBLOG 7
DROOM OOR AFGESTORWE OUERS
‘n Droom oor ‘n afgestorwe geliefde is algemeen en kosbaar. Is jy bang of hou jy daarvan om daardie persoon te sien? Wat sê hierdie persoon? Hoe voel jy oor die droom?
Drome oor ‘n oorledene is algemeen en kan baie emosioneel wees. Vir baie mense voel dit soos ‘n boodskap van daardie afgestorwe geliefde. Vir my ook! Beteken ook kontak. Die dood is alreeds iets wat ons moeilik vind om te hanteer. Dit is ‘n tema waarmee baie van ons worstel, dit is en bly maar moeilik om te begryp. Dit is waarskynlik hoekom die dood so ‘n algemene droomtema is. Veral wanneer jy die dood van ‘n geliefde moes hanteer, is dit iets wat jou onderbewussyn deurgaans besig hou.
- Die emosionele betekenis van drome oor afgestorwe persone
Ons almal staar die dood vroeër of later in die gesig. Almal verloor een of ander keer iemand dierbaar. Jy word nie net met jou eie sterflikheid gekonfronteer nie, jy moet ook leer om sonder daardie persoon in die nuwe werklikheid te leef. Wanneer jy droom oor ‘n oorledene wat nog in jou droom leef, is dit ‘n teken dat die vermisting nog baie groot is of jy nog nie daarin geslaag het om die dood van daardie persoon te aanvaar nie. Soos ek wat so baie oor my pa droom … Om te treur is ‘n emosionele rollercoaster. Die lewe kan soms maklikk of hard met jou wees … Die een oomblik lyk dit of dit alles goed verloop en die volgende oomblik duik jy in ‘n donker, diep afgrond. Soms weet jy nie meer presies waar jy in die proses staan nie. Dis daardie oomblikke wanneer drome jou insig kan gee of ‘n boodskap met jou kan deel. Dit beteken egter nie dat elke droom oor ‘n oorledene geassosieer word met onopgeloste hartseer nie.
Die betekenis van drome is gewoonlik abstrak en dubbelsinnig. Of jy nou glo dat dit ‘n boodskap uit die hiernamaals, of uit jou onderbewussyn: een ding is seker daai droom het ‘n baie persoonlik boodskap. Wat ‘n sekere droom vir jou beteken, kan ‘n heeltemal ander betekenis vir iemand anders hê.
- Baie mense ervaar ‘n droom oor ‘n afgestorwe geliefde as ‘n poging om kontak te maak. Miskien omdat daardie persoon nog ‘n belangrike boodskap het, of wil wys dat dit goed gaan of dat hy/sy nog met ons is.
- Dit is ‘n redelik wydverspreide oortuiging dat die lyn tussen dood en lewendig minder sterk is wanneer ons slaap. In ‘n slapende toestand sou dit dus makliker wees vir afgestorwe persone om ons te besoek.
- Daar is tog min dinge so moeilik om te verwerk soos so ‘n swaar verlies. Die (emosionele) loslating kan vir baie mense ‘n byna onmoontlike taak wees, wat maak dat ons daardie geliefde naby ons in ‘n urn of as-juweliersware of foto of standbeeld wil hou.
- DROOM OOR AFGESTORWE OUERS
Om jou ouers te verloor is seker een van die skokkendste dinge waarmee jy in jou lewe te doen sal hê. Die bron van vertroue en sekuriteit wat hulle al jare vir jou is, sal dan verdwyn. Meer as ooit ontstaan die gevoel dat jy op jou eie voete moet staan. Dit is dus net logies dat jou oorlede ouers in jou drome terugkom. Of dit nou is omdat hulle dood in jou onderbewussyn werk, of omdat julle so ‘n sterk band met mekaar gehad het, dat nie eers die dood hulle van jou kan weghou nie.
- Droom oor ‘n oorlede vader of ma word dikwels gesien as ‘n behoefte aan hul ondersteuning en advies. Dit is tog baie keer waarvan ons beroof is deur hulle dood. Maar dit kan ook wees dat jy droom dat jou ouers dood is, terwyl hulle nog lewe. Dit kan nogal skrikwekkend wees, veral as jy in profetiese drome glo. Maar moenie bekommerd wees nie, gewoonlik is die betekenis baie meer simbolies. Dit kan byvoorbeeld beteken dat jy bloot bekommerd is oor hulle, groot veranderinge in jou verhouding simboliseer, of ‘n begeerte aandui om meer onafhanklik te lewe.Dit gaan nie soseer oor die dood van die persoon self nie, maar oor die persoon wat hy of sy vir jou was: ‘n oorgang na ‘n nuwe band.
- ‘n Droom oor ‘n oorlede vader of moeder dui dikwels aan dat iets tussen julle onvoltooid gebly het. Veral by ‘n onverwagte dood soos my pa wat redelik jonk onverwags aan ‘n hartaanval dood is. Daar is nog onafgehandelde sake tussen julle, soos hulle sê in my geval moes hy sy kleinkinders, my kinders beleef… Ander mense het miskien ‘n konflik wat nog nooit opgelos is nie, of ‘n vraag wat jy nog nooit gevra het nie. Die feit dat jy verseker weet dat daardie oplossing nooit weer sal kom nie, kan jou van binne opvreet en dus terugkom in jou drome.
- Die belangrikste ding is om oop te wees vir die gevoelens, vrae en oplossings wat jou drome by jou ontlok. Slegs so kan jy uitvind watter ware betekenis hulle vir jou het. En dan kan jy leer en groei deur jou drome.
MY ADVIES
Om jou ouers in jou droom te sien, simboliseer krag, skuiling en liefde. Jy spreek dalk jou bekommernisse uit met hulle. As ‘n reël (outydse) verteenwoordig vaders gesag en moeders simboliseer liefde, en jy sal die volle betekenis van jou droom moet uitvind deur te dink oor wat jou ouers in jou droom gedoen of gesê het, en hoe dit verband kan hou met situasies of kwessies in jou droom. En daaglikse lewe.