LENT 40 daetyd – Dag 31
Skriflesing: “En hy het opgestaan en na sy vader gegaan. En toe hy nog ver was, het sy vader hom gesien en innig jammer vir hom gevoel en gehardloop en hom omhels en hartlik gesoen.” Lukas 15: 20
Nederland is ’n kunsliefhebber se paradys, kyk net hoe indrukwekkend is die aangrypende beeld van die verlore seun en die liefdevolle vader, soos geskilder deur die kunstenaar Rembrandt.
Die skildery toon die vader met ‘n rooi mantel om, ‘n simbool van koninklike waardigheid en oorvloedige liefde. Maar tog, as ons na die gesig van die vader kyk, sien ons ‘n uitdrukking van hartseer en verlange, as gevolg van die pynlike afwesigheid van sy jongste seun. Die hande van die vader vertel ‘n storie van liefde en sorg. Een hand is groot en grof, ‘n beeld van krag en beskerming, terwyl die ander hand sag en teder op sy seun se skouer rus, ‘n uitdrukking van God se Moederliefde en onvoorwaardelike aanvaarding.
Ons word herinner aan die onvoorwaardelike liefde en vergifnis van ons Hemelse Vader. Soos die vader op die skildery, hou God ons styf vas, druk ons teen Sy hart en omhels ons met liefde en sorg, selfs in ons donkerste oomblikke van afdwaling en afwesigheid. Lent is die geleentheid om terug te keer …
Gebed: Liewe Hemelse Vader, ons dank U vir u onvoorwaardelike liefde en sorg vir ons as u kinders. Help ons om ons vas te klou aan u in tye van verdriet en verlange, en om te berus in die wete dat ons altyd veilig is in u omhelsing. Amen.
Refleksievrae:
- Hoe spreek die beeld van die liefdevolle vader tot jou hart? Hoe ervaar jy die teenwoordigheid van God se liefde in jou eie lewe?
- Op watter maniere kan ons leer uit die liefde en sorg van die vader in die skildery en dit toepas op ons eie verhouding met God en ander?
- Wat kan ons doen om onsself meer bewus te maak van die onvoorwaardelike liefde en sorg van God in ons alledaagse lewe gedurende hierdie Lentetyd?