OORDENKING – SELFBEHEERSING (5)
VRYDAG 22 MEI 2024
JOHANNES 3: “Hy moet meer word en ek minder. “Hy wat van bo af kom, is bo almal; hy wat van die aarde is, hoort by die aarde en praat die taal van die aarde. Hy wat uit die hemel kom, is bo almal. Wat Hy gesien en gehoor het, dít getuig Hy, en tog aanvaar niemand sy getuienis nie.“
Johannes die Doper en sy woorde: “Hy moet groter word en ek kleiner.” Hierdie woorde is ’n voorbeeld van ‘politieke’ selfbeheersing, waar ons ons eie begeertes en egoïstiese verlangens na mag onderwerp aan die wil van God. Johannes die Doper het ‘n lewe van selfverloëning en toewyding aan God geleef. Hy gee nie om, om nie die lof van mense nie te ontvang nie, maar vestig hom op die heerlikheid van God en die komende Christus. Sy woorde;, “Hy moet groter word en ek kleiner,” getuig van ‘n prysenswaardige besef van nederigheid en selfbeheersing.
Selfbeheersing is dikwels ‘n stryd tussen ons vleeslike begeertes en ons geestelike doelwitte. Dit gaan oor die kies tussen die tydelike bevrediging van ons aardse verlangens en die ewige vreugde van ‘n lewe in gehoorsaamheid aan God. Dit is ‘n stryd wat nie maklik gewen word nie, maar dit is ‘n stryd wat ons met God se hulp kan wen. Die apostel Paulus sê in Kolossense 3:1-3, “Rig julle gedagtes op wat bo is.” Hierdie herinnering help ons om ons te fokus op die ewige dinge, op die dinge wat belangrik is vir God. Dit herinner ons dat selfbeheersing nie gaan oor ontbering nie, maar oor vryheid. Dit is vryheid om te leef volgens die wil van God en om ons te verheug in sy gawes.
GEBED: Here God, Ons kom nederig tot U en vra vir U Heilige Gees om in ons lewens te werk, om ons te lei in selfbeheersing en om ons te help om te lewe volgens U wil. Mag ons onsself onderwerp aan U, en mag ons lewens getuig van U heerlikheid en genade. AMEN.