40 DAE PAASSONDAG TOT HEMELVAART
SATERDAG 20 APRIL 2024
Johannes 20 vers 22 “Nadat Hy dit gesê het, blaas Hy oor hulle en sê: “Ontvang die Heilige Gees!”
Die tyd tussen die opstanding en die hemelvaart van Jesus is ‘n tyd van vernuwing en herlewing, ‘n tyd waarin ons onsself verbind met die nuwe lewe wat Jesus vir ons gebring het deur Sy opstanding. Dit is ‘n voortdurende proses waarin ons ons deur die Heilige Gees laat verenig met Jesus, ons rots en ons verlosser. Deur een te word met Christus, draai ons lewe om Hom, ons is vasgebind aan Hom soos ’n wingerd lote aan die stok, en daarby, die Gees van Jesus woon ook in ons. Dit is ‘n daaglikse keuse om ons lewe buite onsself in Jesus te soek, om deel te word van die nuwe skepping wat Hy gebring het.
Die oue is verby, die nuwe het oorgevat! Deur Christus se opstanding maak chaos plek vir orde, verdriet vir vreugde, en duisternis vir lig. Ons is bevry uit die mag van duisternis en gedra na die Koninkryk van Sy geliefde Seun. Hoewel die ou lewe ons soms nog pla, verkondig ons deur die Gees dat ons die ou lewe loslaat om die nuwe lewe in Christus te omhels. Om een te wees met Christus beteken om meer en meer soos Hy te word, en dit is die werk van God in ons lewe. Laat ons dus in die werk van vernuwing en herlewing deur die Gees volhard, en onsself in ten volle oorgee aan die nuwe lewe in Christus.
GEBED: “Here God, ons dank U vir boodskap van vernuwing wat die Opstanding van Jesus bring. Ons vier die vreugde van PaasSondag, die oorwinning oor dood en sonde. Deur Christus se opstanding, verander U chaos in orde, verdriet in vreugde, en duisternis in lig. Laat ons dus in die werk van vernuwing en herlewing deur die Gees volhard, en onsself ten volle oorgee aan die nuwe lewe in Christus.” AMEN.