WOENSDAG 28 AUGUSTUS 2024
Alkoholgebruik in Suid-Afrika is ontstellend hoog, met beduidende sosiale en gesondheidsgevolge. Studies toon dat ongeveer 50% van mans en 20% van vroue in Suid-Afrika alkohol gebruik. Onder dié wat drink, en te veel van hulle binge-drink (in ’n korte tyd groot hoeveelhede alkohol}, met tot 48% van die drinkende mans en 32% van die drinkende vroue wat glo groot hoeveelhede alkohol in een sitting verbruik.
In 2023 was Suid-Afrika se totale alkoholverbruik per capita 11,5 liter suiwer alkohol, wat dit een van die hoogste vlakke wêreldwyd maak. Wanneer slegs diegene wat drink in ag geneem word, styg die verbruikstempo na 27 liter suiwer alkohol per capita. Hierdie patroon beklemtoon ‘n kultuur van swaar drinkers onder ‘n aansienlike deel van die bevolking.
Vergelyking met die Wêreld en Afrika: Wêreldwyd is Suid-Afrika een van die lande met die hoogste alkoholverbruik. Die wêreldwye gemiddelde alkoholverbruik per capita (per persoon) is ongeveer 6,4 liter suiwer alkohol, wat aansienlik laer is as Suid-Afrika se 11,5 liter. Binne Afrika staan Suid-Afrika uit met sy hoë vlakke van alkoholgebruik, met slegs ‘n paar ander lande, soos Nigerië en Uganda, wat vergelykbare of hoër vlakke van verbruik toon. Hierdie oormatige drinkkultuur verhoog nie net gesondheidsrisiko’s nie, maar dra ook by tot ‘n reeks sosiale probleme, insluitend geweld en misdaad.
Invloed op Misdaad in Suid-Afrika: Alkoholmisbruik is nou gekoppel aan misdaad in Suid-Afrika. Dit is ‘n groot bydraende faktor tot ‘n wye reeks misdade, insluitend moorde, aanrandings, en verkeerverwante voorvalle. Alkohol is betrokke by 75% van moorde en 60% van motorongelukke in die land. Dit speel ook ‘n rol in ongeveer 24% van voertuigverwante sterftes en beserings. Die hoë vlakke van binge-drinking en alkoholmisbruik plaas nie net druk op die gesondheidstelsel nie, maar dryf ook misdaadsyfers op, wat bydra tot die algehele las op die Suid-Afrikaanse samelewing.
SAMEVATTING
Suid-Afrika se alkoholverbruiksvlakke is onder die hoogste wêreldwyd. Die kultuur van binge-drinking het ‘n beduidende invloed op die land se misdaadsyfers en dra by tot ‘n hoë aantal alkoholverwante sterftes, wat ‘n ernstige openbare gesondheids- en maatskaplike uitdaging vorm.