MAANDAG 2 DESEMBER 2024 DAG 8: REDES WAT MENSE AANVOER VIR FEMISIEDE?
Femisiede ontstaan uit ’n kombinasie van maatskaplike, kulturele, en institusionele faktore wat diepgewortelde geslagsongelykhede versterk. Dit weerspieël die sistemiese aard van geweld teen vroue en meisies en word deur verskeie sogenaamde oorsake aangedryf:
Kulturele Norme en Geloof
Patriagale (Manlik dominante) kulturele oortuigings wat mans bo vroue plaas, is een van die mees dominante drywers van femisiede. In sulke gemeenskappe word vroue dikwels gesien as ondergeskik aan mans of as hul eiendom. Hierdie oortuigings maak geweld, insluitend moord, soms “aanvaarbaar” om ‘gesins- of gemeenskaps-eer’ te beskerm.
Mag-ongelykhede
Die ongelyke verdeling van mag tussen mans en vroue speel ‘n sleutelrol in die verergering van geweld. Mans gebruik beheer en oorheersing as ‘n manier om hul mag te handhaaf, wat tot uiterste geweld kan lei, soos in gevalle van femisiede waar mans nie hul beheer verloor wil sien nie.
Skadelike Stereotipes
Geslagstereotipes, soos die verwagting dat vroue gehoorsaam, stil en ondersteunend moet wees, verhoog die risiko van geweld. As vroue probeer om uit hierdie rolle te breek, kan dit aanleiding gee tot gewelddadige strawwe deur mans wat voel hul mag of status word uitgedaag.
Institusionele Gebreke
’n Gebrek aan effektiewe wette, swak wetstoepassing, en onvoldoende hulpbronne vir slagoffers dra by tot ’n kultuur van straffeloosheid. Wanneer mans weet dat hulle waarskynlik nie vir hul dade aanspreeklik gehou sal word nie, word geweld verder bevorder.
Ekonomiese Ongelykhede
Finansiële afhanklikheid plaas vroue in kwesbare posisies, waar hulle soms nie uit mishandelende of gevaarlike verhoudings kan ontsnap nie. Hierdie afhanklikheid word dikwels deur mans uitgebuit om beheer uit te oefen, wat in sommige gevalle tot femisiede eskaleer.
Deur hierdie ongesonde, onwettige gewortelde oorsake te verstaan, kan effektiewe strategieë ontwikkel word om geweld te bekamp en die veiligheid en regte van vroue en meisies te bevorder.